टुडे संवादाता 
हेटौंडा/मकवानपुर प्रहरीले बुधबार र बिहीबार गरिएको जाँचमा तोकिएको भन्दा बढी भाडा लिने ४ सवारीलाई कारवाही गरेको छ ।
कारवाही गरिएका सवारमा बा१५ च ८०६५ नम्बरको स्कारपियो, बा.प्र ०२–०३–००१ ज ००४४ नम्बरको विङ्गर भ्यान, ना १ ज २४६६ नम्बरको माईक्रो र ना १ ज ७९०७ सुमो रहेका छन् ।
विभिन्न गन्तव्यसम्म र्पुयाईदिन्छु भनि यात्रुहरुसंग तोकिएको भाडादर भन्दा बढी रकम लिएको सूचनाको आधारमा जाँच गरिएको मकवानपुरका प्रहरी नायव उपरीक्षक जयश्वर रिमालले जानकारी दिए ।
सवारी कम संचालन भएको मौका छोपी बढि भाडा असुल्ने क्रम बढिरहेको छ । हेटौंडाका अटो, मयुरी लगायतका साना सवारीले पनि बढि भाडा लिने गरेको गुनासो आइरहेको छ ।
सेयर गर्नुहोस्
