टुडे संवादाता 
हेटौँडा/साताको पहिलो कारोबार दिन आइतवार सुनको मूल्य ओरालो लागेको छ । स्थानीय बजारमा आइतवार सुनको मूल्य अघिल्लो कारोबार दिन अर्थात् शुक्रवारको तुलनामा ६०० ले घटेको हो ।
नेपाल सुनचाँदी व्यवसायी महासंघका अनुसार आइतवार छापावाला सुन प्रतितोला ९२ हजार ६०० मा कारोबार भएको छ । शुक्रवार छापावाला सुनको मूल्य प्रतितोला ९३ हजार २०० मा कारोबार भएको थियो । शुक्रवारको तुलनामा आइतवार छापावाला सुन प्रतितोला ६०० ले घटेको हो ।
त्यसैगरी, तेजाबी सुन प्रतितोला ९२ हजार १०० मा कारोबार भएको छ । शुक्रवार तेजाबी सुन प्रतितोला ९२ हजार ७०० मा कारोबार भएको थियो ।
यस्तै, आइतवार चाँदीको मूल्य पनि घटेको छ । शुक्रवार प्रतितोला १ हजार ३२० मा कारोबार भएको चाँदी आइतवार १ हजार २९५ मा किनबेच भइरहेको छ । शुक्रवारको तुलनामा आइतवार चाँदीको मूल्य २५ ले घटेको हो ।
सेयर गर्नुहोस्
