मनहरी ८ सिमपानीबाट १ सय २७ किलो लागुऔषध गाँजासहित ३ जना पक्राउ

टुडे संवादाता
२० श्रावण २०७८, बुधबार १३:१९

हेटौँडा/ जिल्ला प्रहरी कार्यालय मकवानपुरले १ सय २७ किलो लागुऔषध गाँजासहित ३ जना पक्राउ गरेको छ ।

पक्राउ पर्नेमा  ट्रक चालक भारत बैशाल बस्ने ३८ बर्षको रामराज सहनी, ट्रकमा सवार भारत समस्तिपुर  बस्ने  १८ बर्षको राहुल कुमार सहनी, ट्रकमा सवार जिल्ला पर्सा बिरगंज महानगरपालिका ९ का ३० बर्षको रियाजुल अंसारी रहेको  मकवानपुरका निमित्त प्रवक्ता प्रहरी निरीक्षक देवेन्द्र दासले जानकारी दिए ।

पूर्व पश्‍चिम लोकमार्ग सडक खण्डमा बुधवार (आज)  बिहान  प्रहरीले मनहरी गाउँपालिका  वडा नं. ८ सिमपानी स्थित बिआरई २८३९ नम्बरको भारतीय  ट्रकलाई रोकी चेकजाँच गर्दा उक्त ट्रक पछाडी ढालामा फल्स बटम बनाई लुकाई छिपाई ल्याएको लागुऔषध गाँजा १ सय  २७ किलो लागुऔषध गाँजा  फेला  परेको हो ।

उक्त गाँजा, ट्रक सहित नियन्त्रणमा लिई थप अनुसन्धान भईरहेको प्रहरीले जनाएको छ ।

यसमा तपाइको मत

Your email address will not be published. Required fields are marked *


*