३२ अंकले घट्यो सेयर बजार

हेटौडा टुडे
१४ आश्विन २०७८, बिहीबार १६:१४

हेटौँडा/ साताको अन्तिम दिन बिहीबार पुनः ओरालो लागेको छ। आज ३२.५१ अंकले सेयर बजार ओरालो लाग्दा नेप्से परिसूचक २ हजार ६ सय ३३.४२ विन्दुमा सीमित भएको नेपाल स्टक एक्सचेन्जले जनाएको छ। आज कारोबार रकम पनि घटेको छ। हिजो बुधबार ५ अर्ब २ करोड ८५ लाख ५५ हजार ९२ रुपैयाँमा कारोबार भएको सेयर कारोबार बिहीबार ३ अर्ब ७० करोड २९ हजार ५०७ रुपैयाँमा सीमित भएको छ। आज ७३ लाख २१ हजार १४ कित्ता सेयर किनबेच भएको छ।

आज ट्रेडिङ उपसमूह ३.९२ प्रतिशत, अन्य ०.२७ प्रतिशत र म्युचल फण्ड ०.१९ प्रतिशतले बढेका छन्। अन्य उपसमूहहरु भने राताम्मे छन्। अर्थात घटेका छन्। सबैभन्दा बढी फाइनान्स २.९८ प्रतिशतले घटेको छ।

 

यसमा तपाइको मत

Your email address will not be published. Required fields are marked *


*