टुडे संवादाता 
हेटौंडा/मकवानपुरको बकैया गाउँपालिकामा गाई काटेको आरोपमा पक्राउ परेका १० जनालाई जिल्ला अदालत मकवानपुरले धरौटिमा छोड्न आदेश दिएको छ ।
सोमबार आज न्यायाधीश कमलराज विष्टको इजालशले पक्राउ परेका १० जनामा ९ जनालाई जनही ४० हजार धरौटिमा छोड्न आदेश दिएको हो ।
पक्राउ परेका १० जना मध्ये एक बालक रहेका र उनलाई अविभावकको जिम्मा लगाईएको जिल्ला अदालत मकवानपुरका श्रेस्तेदार तीर्थराज भट्टराईले जानकारी दिए । मकवानपुर प्रहरीले गएको असोज ३ गते बकैया–११ को स्वबिमा गाई काटेको आरोपमा घटनास्थलबाट ५० केजी गाईको मासु सहित १० जनालाई पक्राउ गरेको थियो ।
पक्राउ पर्नेहरुमा बकैया–११ कालिदमार बस्ने ३८ वर्षीय जनक बहादुर लो,सोहि स्थानका ३५ वर्षीय राज लो,४० वर्षीय रबिन्द्र लो,सिमाटार बस्ने ४५ वर्षीय राज कुमार घलान,४८ वर्षीय प्रलाद भक्त न्यासुर,च्याउ च्याउ बस्ने १९ वर्षीय सोमार भोलन,५० वर्षीया सन्च माया भोलन,१६ वर्षीय सन्देश बिक, ४० वर्षीय सुन बहादुर तामाङ, ३६ वर्षीय फुल माया थिङ रहेका थिए । प्रहरीले पक्राउ परेको सबै जनामाथि गौवधसम्बन्धी मुद्दा चलाएको थियो ।
