ओखलढुंगामा जिप दुर्घटना: ३ को मृत्यु, १३ घाइते

हेटौडा टुडे
२९ कार्तिक २०७८, सोमबार १०:२५

हेटौँडा/ ओखलढुंगामा जिप दुर्घटना हुँदा तीन जनाको मृत्यु भएको छ। सुनकोशी गाउँपालिका ९ काँडेभञ्याङ नजिकै आज बिहान ७ः३० बजेतिर जिप दुर्घटनामा परेको हो।

जिल्ला प्रहरी कार्यालय ओखलढुंगाका प्रहरी नायब उपरीक्षक गोविन्दराज काफ्लेका अनुसार जिप दुर्घटनामा परी ३ जनाको घटनास्थलमै मृत्यु भएको छ । दुर्घटनामा १३ जना घाइते छन्। घाइतेमध्ये चार जनाको अवस्था गम्भीर छ। हेलिकप्टर मगाएका छौं,’ उनले भने। घाइतेहरूलाई काठमाडौं ल्याउने तयारी छ।

प्रदेश ३-१०२२ च ९६९४ नम्बरको जिप दुर्घटनामा परेको प्रहरीको भनाइ छ। दुर्घटनामा परेका घाइतेहरूको प्रहरीले उद्धार गरिसकेको छ। मृतकहरूको खनाखत भइसकेको छैन।

यसमा तपाइको मत

Your email address will not be published. Required fields are marked *


*