हेटौंडा टुडे
हेटौंडा । मोवाइल एसोसिएसन अफ मकवानपुर र हेटौंडा १० टीसीयन रोडमा रहेको शान्ति अप्टिकल सेन्टर एण्ड सप्लायर्सको आयोजनामा हिजो शनिबार हेटौंडामा निःशुल्क आँखा परीक्षण शिविर भएको हो। मकवानपुर उद्योग बाणिज्य संघ वस्तुगततर्फ उपाध्यक्ष राजु अधिकारीको प्रमुख आतिथ्यतामा भएको निःशुल्क आँखा परीक्षण शिविरमा ६० जनाले आँखाको परीक्षण गराएका छन् ।
विभिन्न संघसस्थाहरुसँगको सहकार्यमा शान्ति अप्टिकलले पछिल्लो समय प्रत्येक हप्ता जिल्लामा क्रियाशील विभिन्न संघसंस्थासँग समन्वय गरेर आँखा शिविर सञ्चालन गरिरहेको छ ।
अप्टिकलका सञ्चालक सुदिप ठकुरीले आँखा स्वस्थ्य राख्नका लागि विभिन्न संघ संस्थासँग समन्वय गरेर जिल्लाको विकट स्थानमा पनि पुगेर शिविर सञ्चालन गर्ने तयारीमा आफूहरु रहेको जानकारी दिए।
मोवाइल एसोसिएसन अध्यक्ष दिनेश लामाको सभाध्यक्षतामा भएको कार्यक्रममा एसोसिएसनका संस्थापक अध्यक्ष छतेन्द्र आचार्य, निवर्तमान अध्यक्ष एसिस रिजाल तथा नेपाल मोवाइल वितरण संघ संयोजक रोहिणीप्रसाद गौतमलगायतको सहभागिता रहेको थियो ।
