हेटौंडा टुडे
हेटौंडा | धनगढीमा अटो दुर्घटना हुँदा एक जनाको मृत्यु भएको छ । धनगढी उपमहानगरपालिका–३, मिलन चोकमा आज भएको उक्त दुर्घटनामा परी एक जनाको मृत्यु भएको जिल्ला प्रहरी कार्यालय कैलालीले जनाएको छ ।
अत्तरिया–धनगढी सडक खण्डमा चौमलाबाट भीम बस्तीतर्फ जाँदै गरेको से १ ह २६३९ नम्बरको अटो अनियन्त्रित भई पल्टिँदा गौरीगङ्गा नगरपालिका–४ का ८५ वर्षीय तिलानन्द जोशीको मृत्यु भएको हो ।
गम्भीर घाइते भएका जोशीको उपचारका लागि माया मेट्रो अस्पताल धनगढी पुर्याएको थियो । त्यसलगत्तै उनको मृत्यु भएको जिल्ला प्रहरी कार्यालय कैलालीका प्रहरी नायब उपरीक्षक कुलदिप चन्दले बताए ।
अटो र चालकलाई प्रहरीले नियन्त्रणमा लिएको छ ।
सेयर गर्नुहोस्
