हेटौंडा टुडे
हेटौंडा । मोटरसाइकल दुर्घटना हुँदा मकवानपुरको भिमफेदी गाउँपालिका वडा नम्बर ६ जुरिखेतमा दुईजनाको मृत्यु भएको छ ।
बुधबार साँझ काठमाडौंबाट हेटौंडा तर्फ आउँदै गरेको बागमती प्रदेश ०२ ०२० प ४२३७ नम्बरको मोटरसाइकल आफै अनियन्त्रित भई हेटौडा–भिमफेदी–कुलेखानी–काठमाण्डौ सडकखण्डमा दुर्घटनामा परेको जिल्ला प्रहरी कार्यलय मकवानपुरका प्रवक्ता एवं प्रहरी नायब उपरीक्षक टेकबहादुर कार्कीले जानकारी दिए ।
प्रवक्ता कार्कीका अनुसार मोटरसाइकल चालक बारा जिल्लाको पर्सौनि नगरपालिका वडा नम्बर ५ का २५ बर्षीय लाल बाबु सहनि मलाहा र मोटरसाइकलको पछाडी बसेका सोहि स्थानका २० बर्षीय गोरख भन्ने रबिन्द्र मण्डल रहेका छन् ।
दुर्घटनामापरि घाइते भएका मोटरसाइकल चालक मलाहको हेटौंडा अस्पतालमा उपचारका क्रममा र पछाडी बसेका मण्डलको घटनास्थल मै मृत्यु भएको प्रवक्ता कार्कीले जानकारी दिए ।
सेयर गर्नुहोस्
