हेटौंडा टुडे
हेटौंडा| अमेरिकाको टेक्सास राज्यमा ट्रकको ठक्करबाट एक जना नेपाली महिलाको मृत्यु भएको छ । रक्डेल सिटीनजिकै ट्रकले ठक्करबाट प्रमीला सुवेदीको मृत्यु भएको हो ।
उनी एनआरएन आइसीसीको अमेरिकाका क्षेत्रीय उपसंयोजक रामकुमार सुवेदीकी धर्मपत्नीसमेत हुन् । रक्डेल सिटीनजिकै छोरालाई विश्वविद्यालय पुर्याएर फर्किने क्रममा प्रमीलाले आफैले चलाएको कारलाई बिहीबार साँझ ट्रकले ठक्कर दिएको थियो ।
ट्रकको ठक्करबाट घाइते भएकी ४७ वर्षीय सुवेदीको घटनास्थलमै मृत्यु भएको हो । दुई दशकदेखि सुवेदी दम्पती अमेरिकाको टेक्सासमा बस्दै आएका थिए । उनीहरूको सन्तानको रूपमा दुई छोराहरू रहेका छन् ।
सेयर गर्नुहोस्
