हेटौंडा टुडे
हेटौंडा । भोलि देखि शुक्रबार सम्म मकवानपुरगढी गाउँपालिकाको सबै बिद्यालय पाँच दिन बन्द गर्ने निर्णय भएको छ । केही दिन देखि भएको अत्यधिक गर्मीका कारण मकवानपुरगढी गाउँपालिकाका सबै विद्यालय तथा शैक्षिक सस्थाहरु भोलि सोमबार देखि पाँच दिनका लागि बन्द गरिने निर्णय गरिएको छ । पालिकाले आज सुचना जारी अत्यधिक गर्मीका कारण पठनपाठनमा प्रतिकूल असर परिरहेको र कतिपय बालबालिकाको स्वाथ्यमा विभिन्न खाले समस्या देखिएपछि वर्षे बिदाबाट कट्टा हुनेगरी एकहप्ता गर्मी बिदाका दिईएको सूचनामा उल्लेख छ। 
अत्यधिक गर्मिका कारण मकवानपुरमा हेटौंडा उपमहानगर पालिका र बकैया गाउँपालिकाका सबै शैक्षिक सस्थाहरु पनि केहि दिनको लागि बिदा दिने निर्णय गरिसकेको छ । तिनै स्थानीय तहका शिक्षा विकास तथा समन्वय इकाईले आफ्नो पालिकाभित्रका सबै वडालाई विद्यालय बन्द गर्न आवश्यक समन्वय र सहजिकरणका लागि अनुरोध गरेको जनाएको छ ।
