हेटौंडा टुडे
हेटौंडा| कालीकोटमा शनिबार राति साढे ११ बजे जिप दुर्घटना हुँदा तीन जनाको मृत्यु भएको छ ।
जिल्लाको शुभकालिका गाउँपालिका–६ चिसापानीस्थित बेहुली पानतडी सडकखण्डको चौकी बजारबाट हाउडीतर्फ जाँदै गरेको लु १ च ८४९८ नम्बरको जिप दुर्घटना हुँदा तीन जनाको मृत्यु भएको हो ।
मृत्यु हुनेहरुमा जिप चालक शुभकालिका–२, भर्ताका ३० वर्षीय हर्के कामी, वडा नं. ८ का ३१ वर्षीय रामबहादुर शाही र दैलेख नौमुलेका २५ वर्षीय गोपाल सलामी मगर रहेका छन् ।
जिप सडकबाट १५० मिटर तल खसेर दुर्घटना भएको जिल्ला प्रहरी कार्यालय कालीकोटले जनाएको छ ।
सेयर गर्नुहोस्
