हेटौंडा टुडे
हेटौंडा| सुदूरपश्चिम प्रदेश सरकारले बुधबार प्रदेशभर शोक विदा दिएको छ । सवारी दुर्घटनामा आन्तरिक मामिला तथा कानून मन्त्री पृथ्वीबहादुर सिंहको निधन भएपछि सरकारले शोक विदा दिएको हो ।
मन्त्री सिंहको शोकमा प्रदेशस्थित सरकारी कार्यालयका झण्डा आधा झुकाइनेछ ।
गृह जिल्ला बझाङ गइरहेका बेला मंगलबार केदारस्यूँ गाउँपालिकामा मन्त्री सिंह सवार गाडी दुर्घटना हुँदा गम्भीर घाइते भएका उनको कोहलपुर मेडिकल कलेजमा उपचारका क्रममा मृत्यु भएको थियो ।
दुर्घटनामा सिंहकी पत्नी अमृता र भाउजू जयादेवी सिंहको पनि मृत्यु भएको छ । चालक धर्मराज जोशी र निजी सुरक्षा गार्ड दीपक भण्डारीको कोहलपुर मेडिकल कलेजमा उपचार भइरहेको छ ।
सेयर गर्नुहोस्
