हेटौंडा टुडे
हेटौंडा| हेटौंडाबाट संघीय राजधानी काठमाडौैं जोड्ने कान्तिलोकपथ सडकखण्डमा आज बिहान गएको पहिरो पन्छाई यातायात संचालनमा ल्याएको छ ।
उक्त सडकखण्ड अन्तरगत पर्ने ललितपुर जिल्लाको भटेटेडाँडास्थित मकवानपुरको सिमानाबाट करिब २ किलोमिटर उत्तरततर्फ बागमती पुल नजिकै गएको पहिरो जाँदा आज अपराह्नमा हटाई यातायात संचालनमा आएको मकवानपुरका प्रहरी रामचन्द्र घिमिरेले जानकारी दिए ।
त्यस्तै, मकवानपुर जिल्लास्थित त्रिभुवन राजपथ, पूर्वपश्चिम राजमार्ग, भीमफेदी कुलेखानी सडकखण्डको फाखेल र सिस्नेरी र चित्लाङ थानकोट सडकमा पनि अहिले सवारी साधनहरु संचालनमा रहेको उनले बताए ।
सेयर गर्नुहोस्
