हेटौंडा टुडे
हेटौंडा । कैलालीको खुटिया नदीमा डुबेर एक बालकको मृत्यु भएको छ । गोदावरी नगरपालिका–९ बल्मीका ११ वर्षीय दीपेन्द्र जोशीको खुटिया नदीमा डुबेर मृत्यु भएको हो ।
जिल्ला प्रहरी कार्यालयका अनुसार जोशी आइतबार मध्याह्नदेखि सम्पर्कविहीन थिए । आइतबारदेखि नै दीपेन्द्र घर नफर्केपछि खोजी कार्य सुरु गरिएकोमा उनका साथीले नदीमा नुहाउने क्रममा डुबेर बेपत्ता भएको बताएका थिए । बेपत्ता बालकका साथीले दिएको बयानको आधारमा दीपेन्द्रको शव खुटीया नदीमा भेटिएको प्रहरीले जनाएको छ।
सेयर गर्नुहोस्
