हेटौंडा टुडे
हेटौंडा| गण्डकी प्रदेशको मुख्यमन्त्रीमा नेकपा एमाले संसदीय दलका नेता खगराज अधिकारीले दाबी पेस गरेका छन् ।
सोमबार प्रदेश प्रमुखको कार्यालय पुगेर एमालेका अधिकारीले मुख्यमन्त्रीमा दाबी पेस गरेका हुन् । एमाले, माओवादी केन्द्र र राप्रपा र एक जना स्वतन्त्र सांसदको समर्थनमा उनले मुख्यमन्त्रीमा दाबी पेस गरेका हुन् ।
एमालेका २२, माओवादी केन्द्रका ८, राप्रपाका २ र नेकपा एकीकृत समाजवादीका एक जना गरेर ३३ जना सांसद छन् । नेकपा एसका सांसद राजीव गुरुङ (दीपक मनाङे) ले पनि समर्थन गरेका छन् । ६० सदस्यीय प्रदेश सभामा ३१ जना सांसद भए बहुमत पुग्छ ।
सेयर गर्नुहोस्
