टुडे संवाददाता
चैत्र १९ ,हेटौंडा/मकवानपुरको मनहरी गाँउपालिका ९ रजैया नजिक बुधबार दिउँसो मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन्।
पुर्व पश्चिम राजमार्ग अन्तर्गत चितवन तर्फबाट मोरङ तर्फ जाँदै गरेको ना ६३ प ५६९८ नम्बरको मोटरसाइकल मनहरी ९ स्थित सडक छेउमा दुर्घटना हुँदा मोटरसाइकलमा सबार एकजनाको मृत्यु भएको छ भने मोटरसाइकल चालक घाइते भएको प्रहरी निरीक्षक सुजन पाठकले जानकारी दिनुभयो ।
प्रहरीका अनुसार मृत्यु हुनेमा मोटरसाइकलमा सवार मोरङ सुन्दर हरैंचा नगरपालिका ४ बस्ने ३० बर्षीया बिनिता घिमिरे रहेको र घाइते हुनेमा मोटरसाइकल चालक सोहि ठाँउ बस्ने ३३ बर्षीय लिलामणि घिमिरे रहेको बताईएको छ ।
मृतक र घाइते श्रीमान श्रीमती भएको प्रहरीले जनाएको छ।तिब्र गतिमा हुइकिएको मोटरसाइकल अनियन्त्रित भई दुर्घटना भएको प्रहरीले जनाएको छ।
सेयर गर्नुहोस्
