टुडे संवाददाता
जेठ २६,हेटौंडा /मनहरीमा खोलामा डुबेर एक युवतीको मृत्यु भएको छ । मृत्यु हुनेमा मनहरी गाउँपालिका वडा नम्बर ९ ज्यामिरेकी १६ वर्षीया युवती सुनिता सुनुवार रहेको जिल्ला प्रहरी कार्यालय मकवानपुरका प्रवक्ता इन्द्रबहादुर रानाले जानकारी दिए ।
सुनिताको राप्ती खोलामा डुबेर आज सोमबार दिउँसो मृत्यु भएको हो । साथीसँग जंगल गएकी उनको खोलाले चप्पल बगाएको र चप्पल लिन जाँदा खोला डुबेर मृत्यु भएको जिप्रका मकवानपुरका प्रवक्ता रानाले बताए ।
घटनाको विषयमा आवश्यक अनुसन्धान भइरहेको मकवानपुर प्रहरीले जनाएको छ ।
सेयर गर्नुहोस्
