टुडे संवादाता 
असार २८, हेटौंडा/जिल्ला प्रहरी कार्यालय मकवानपुरले ५ किलो लागूऔषध अफिम बरामद गरेको छ । प्रहरीले हेटौंडा उपमहानगरपालिका वडा नम्बर १९ नेवारपानीस्थित पूर्वपश्चिम लोकमार्ग सडकखण्डबाट असार १७ गते उक्त परिणामको अफिम बरामद गरी आज शनिबार सार्वजनिक गरेको हो ।
उक्त अफिम इलाका प्रहरी कार्यालय नेवारपानी मकवानपुरबाट खटिएको प्रहरी टोलीले बरामद गरेको हो । मनहरीबाट हेटौंडातर्फ आइरहेको ना ४३ प ५७८४ नम्बरको मोटरसाइकल चालकले प्रहरीलाई देखि आफुले बोकेको झोला र मोटसारइकल त्यही छोडेर फरार भएका थिए । प्रहरीले झोला चेकजाँच गर्दा उक्त परिणामको अफिम फेला परी मोटरसाइकलसहित नियन्त्रणमा लिएको जनाएको छ ।
फरार ती व्यक्तिको खोजीकार्य भइरहेको मकवानपुर प्रहरीले जनाएको छ ।
सेयर गर्नुहोस्
