टुडे संवादाता 
साउन २२ हेटौंडा/बसामाडी जेसिसको“जेसिस सप्ताह २०२०“को सप्ताहब्यापी कार्यक्रमको समापन समाहरोह (आज)शुक्रवार हेर्टौडामा भएको छ ।
संस्थाका अध्यक्ष बिबेक बजगाइको सभाध्यक्षता भएको कार्यक्रममा नेकपा बाग्मती प्रदेश संगठन बिभाग प्रमुख अनन्त पौडेलज्यूको प्रमुख आथित्यता रहेको थियो ।
कार्यक्रममा बोल्दै प्रमुख अतिथि पौडेलले हाल नेपालको राजनितीमा पार्टी भित्रका किचलोले समस्या पैदा भएको बताउनुभयो ।
उहाँले देशले राजनितिक स्थिरता खोजीरहेको अवस्थामा राजनितिमा ब्यापक तरलता पाइएको बताउनुभयो । युवा वर्गले नेतृत्व क्षमता विकास गर्दै नेपाली राजनितिमा अगाडी बढाउनुपर्ने बताउनुभयो ।
बसामाडी जेसिजले श्रावण १८ गते देखी सप्ताहब्यापी कार्यक्रमको सुरुवात गरी शुक्रबार समापन गरेको छ । बसामाडी जेसिजले टिम टेलिभिजनका पत्रकार सुजन पुडासैनीलाई सप्ताहब्यापी कार्यक्रमको सुचना सम्प्रेषणमा सहयोग गरेको भन्द मायाको चिनो प्रदान गरेको थियो ।
