टुडे संवादाता 
हेटौंडा/मकवानपुरमा पछिल्लो २४ घण्टामा थप २३ जनामा कोरोना संक्रमण पुष्टि भएको छ ।
कोरोना संक्रमण पुष्टि भएकामा १७ जना पुरुष र अरु ६ जना महिला रहेको स्वास्थ्य अधिकृत भोला चौलागाँई ले जानकारी दिनुभयो ।
चौलागाँइका अनुसार जिल्लामा एकै दिन यतीका धेरै जनामा कोरोना संक्रमण पुष्टि भएको पहिलो पटक हो ।
संक्रमित मध्य चार जना नेपाल प्रहरीमा कार्यरत समेत रहेका छन भने हेटौंडाका १६ जना र अरु तीन गाउँपालिकामा दुईजनामा कोरोना संक्रमण पुष्टि भएको उहाँले वताउनुभयो ।
कोरोना संक्रमित देखिएका हेटौंडा २ का एक जना, हेटौंडा ४ का ४ जना, हेटौंडा ५ का ४ जना, हेटौंडा ६ का एक जना हेटौंडा ११ का २ जना छन थानाभ¥याङमा कार्यरत मजदुरको घर जिल्ला बाहिर भएता पनि काम भने यहाँनै गर्दै आएका छन् । हेटौंडा १३ का एक एक जना, हेटौंडा ९ का ३ जना, भीमफेदी गाउँपालिकाका एक जना, मकवानपुर गढीका १ जना, बकैयाका १ जनामा कोरोना संक्रमण पुष्टि भएको उहाँले जानकारी दिनुभयो ।
