टुडे संवादाता 
हेटौंडा/हेटौंडा उपमहानगरपालिका वडा नम्बर १९ स्थित डुुमारेमा विद्युत सर्ट भइ गए राति एक घरमा आगलागी भएको छ ।
शुत्रवार राति हेटौंडा-१९ डुमारेमा खड्गबहादुर पुडासैनीको घर विद्युत सर्ट भइ आगलागी भएको हो । आगलागीबाट २ तल्ले घर, अन्नपात, लत्ताकपडा, भाँडाकुँडा जलेर पूर्ण रूपमा नष्ट हुँदा १५ लाख रूपैयाँको क्षति भएको जिल्ला प्रहरी कार्यालय मकवानपुरले जनाएको छ ।
हेटौंडा उपमहानगरपालिकाको बारुणयन्त्र, ईलाका प्रहरी कार्यालय नेवारपानी र स्थानीयको सहयोगमा आगो निभाइएको प्रहरीले जनाएको छ ।
सेयर गर्नुहोस्
