नेपाली कांग्रेसका १३ भातृ संगठनहरूले देशैभर प्रदर्शन गर्ने

हेटौडा टुडे
१८ माघ २०७७, आईतवार १४:४१

काठमाडौं/नेपाली कांग्रेसका १३ भातृ संगठनहरूले प्रतिनिधि सभा विघटनविरूद्ध देशैभर प्रदर्शन गर्ने भएको छ ।

आइतबार एक विज्ञप्ति जारी गर्दै कांग्रेसका १३ भातृ संगठनहरूले प्रधानमन्त्री केपी शर्मा ओलीले गरेको प्रतिनिधि सभाको विघटनविरूद्ध प्रदर्शनमा उत्रिन अपिल गरेका हुन् ।

१३ वटै भातृ संस्थाहरूको संयुक्त आयोजनामा ७७ जिल्लामै सोमबार एकसाथ प्रदर्शन गरिने नेपाली कांग्रेसले जनाएको छ।

नेपाल महिला संघ, नेपाल तरुण दल, नेपाल विद्यार्थी संघ, नेपाल प्रजातन्त्र सेनानी संघ, नेपाल किसान संघ, नेपाल दलित संघ, नेपाल भूतपूर्व सैनिक संघ, नेपाल आदिवासी जनजाति संघ, राष्ट्रिय लोकतान्त्रिक अपाङ्ग संघ, नेपाल मुस्लिम संघ, नेपाल तामाङ संघ, नेपाल राष्ट्रिय मगर संघ र नेपाल ठाकुर समाजले सबै नागरिकलाई प्रदर्शनमा सहभागी हुन अपिल गरेका हुन्।

संसद विघटनमार्फत सर्वसत्तावाद उन्मुख कदम, चरम भ्रष्टाचार, कुशासन, कोभिड विरुद्धको संघर्षमा देखिएको अकर्मण्यता, जनसरोकारका बिषयमा सरकारी उदासिनता यी समग्र मुद्दालाई अघि सारेर हुने भोलिको प्रदर्शनमा सहभागी बन्न देशभरका हाम्रा सबै सदस्य, समर्थक, शुभचिन्तक एवं समस्त जनसमुदायमा हामी हार्दिक आग्रह गर्दछौं,उक्त विज्ञप्तीमा भनिएको छ।

 

यसमा तपाइको मत

Your email address will not be published. Required fields are marked *


*