टुडे संवादाता 
हेटौंडा/ बागमती प्रदेश सभाको बैठक भोलि सोमबार बिहान ११ बजे बस्ने गरी स्थगित भएको छ ।
आईतवार (आज) दिउँसो ३ बजे बसेको प्रदेश सभाको बैठक भोलि बिहान सोमबार ११ बजे बस्ने गरी प्रदशे सभाका सभामुख सानुकुमार श्रेष्ठले आजको बैठक स्थगित गरेका हुन् । आजको बैठकमा सभामुख श्रेष्ठले प्रदेश प्रमुखको कार्यालयकाट अधिवेशन आह्वान सम्बन्धि पत्रको ब्यहोरा पढेर सुनाएका थिए ।
यस्तै सभामुख श्रेष्ठले प्रदेशको मन्त्रीपरिषद् पुनर्गठन सम्बन्धि पत्रको ब्यहोरा समेत पढेर सुनाएका थिए । प्रदेश सभाको आजको बैठकले कारोनाका कारण निधन भएका प्रदेश सभाका सदस्य पशुपति चौलागाईको प्रति श्रद्दान्जलि अर्पण गर्दे शोक प्रस्ताव पारित गरेको छ ।
बैठकमा सहभागी हुने प्रदेश सभा सदस्यहरु , कर्मचारी ,सुरक्षाकर्मी र संञ्चारकर्मीहरुको एन्टिजेन परिक्षण गरीएको थियो । जम्मा एक सय ६६ जनाको कोरोना परिक्षण गरीएकोमा एक जना संञ्चारकर्मीको भने रिपोर्ट पोजेटिभ देखिएको थियो ।
