हेटौंडा टुडे
काठमाडौं/कोभिड—१९ केन्द्रीय संकट व्यवस्थापन केन्द्र (सीसीएमसी) को बैठक बस्ने भएको छ । पछिल्लो केही दिन यता कोरोना भाइरसको संक्रमण बढेसँगै आवश्यक निर्णय गर्न सीसीएमसीको बैठक बस्ने भएको हो । दिउँसो ४ बजे सिंहदरबारमा बस्ने बैठकमा प्रधानमन्त्री शेरबहादुर देउवा पनि सहभागी हुने भएका छन् । सीसीएमसीको प्रमुख प्रधानमन्त्री हुने व्यवस्था छ ।
कोरोना संक्रमण बढेकाले निषेधाज्ञाबारे थप निर्णय हुन सक्ने स्रोतले जानकारी दियो । आजको बैठकले कोरोना खोप, भीड नियन्त्रणलगायतका विषयमा छलफल हुने बताइएकाे छ । यसअघि बसेको सीसीएमसीको बैठकले साउन चौथो हप्तादेखि कक्षा १२ को परीक्षा भौतिक रुपमा सञ्चालन गर्न अनुमति दिएको थियो ।
सेयर गर्नुहोस्
