टुडे संवादाता 
हेटौंडा/ हेटौंडा उपमहानगरपालिका क्षेत्रका विभिन्न स्थानमा विधुतका पोलमा लत्रिएका कालो तार हटाउने अभियानमा नगरप्रहरी लागिपरेको छ । शहर बजारको सोभा नै बिगार्ने गरी बिजुलीका पोलमा असरल्ल छरिएका तारहरु हटाउन थालिएको हो ।
केबल कम्पनिका तार, इन्टरनेट कम्पनिका तारहरुलाई हटाउन सुरु गरिएको उपमहानगरपालिकाका नगप्रहरी इन्चार्ज नेत्र प्रसाद ढकालले बताउनुभयो । इन्टरनेट र केवलका तारले गर्दा बजार क्षेत्रलाई कुरुप बनाउँदै गएकाले व्यवस्थित नगर्नेहरुको तार काट्ने समेत चेतावनी उपमहानगरपालिकाले दिएको छ ।
बिजुलीका पोलमा गुजुल्टीएका तारका कारण हेटौंडा बजार क्षेत्रमा नराम्रो देखिएको छ । यस्ता तारहरु हेटौंडाको मुख्यमन्त्री कार्यालयरोड, निवास वरपरबाट हटाइएको छ । अब पनि यस कामलाई निरन्तर रुपमा अगाडी बढाइने भएको छ ।
सेयर गर्नुहोस्
