हेटौंडा टुडे
हेटौंडा। आफ्नो छोराको जन्मदिनको अवसरमा एक अभिभावकले थाहा नगरपालिका–६ स्थित उदय प्राथमिक विद्यालयका विद्यार्थीलाई स्टेशनरी सामग्री हस्तान्तरण गरिएको छ । आफ्ना जेठो छोरा प्रदीप विडारीको जन्मदिनमा समाजसेवी वुवा राजेन्द्र विडारी र आमा निर्मला विडारी ले विद्यालयमा अध्ययनरत् ९७ जना विद्यार्थीलाई व्याग, कापी तथा पेन हस्तान्तरण गरेका हुन् । स्टेशनरी हस्तान्तरण कार्यक्रम विद्यालयका प्रधानाध्यापक तुलना न्यौपाने, विद्यालय व्यवस्थापन समिति अध्यक्ष प्रताप रुम्बा तथा विद्यार्थीका अभिभावकहरुको सहभागिता रहेको थियो । राजेन्द्र विडारी स्थानीय प्यासिफिक बचत तथा ऋण सहकारी संस्था लिमिटेडका अध्यक्ष, नेपाल फलफूल तथा तरकारी व्यवसायी संघ मकवानपुर उत्तरी क्षेत्र अध्यक्ष र नेपाल रेडक्रस सोसाइटी बज्रबाराही उपशाखाका उपसभापति हुन् । ‘जन्मदिनलाई रचनात्मक शैलीमा मनाउने क्रममा विद्यार्थीलाई स्टेशनरी हस्तान्तरण गरिएको हो । आगामी दिनमा पनि फरक शैलीमा समाजसेवालाई निरन्तरता दिनेछौं ,वुवा राजेन्द्र विडारीले भने ।
