हेटौंडा टुडे
हेटौडा-डोटीको खप्तडबाबा नेशनल पार्क केन्द्रविन्दु भएर गएराति गएको भूकम्पमा परेर दुई जना बेपत्ता भएका छन् । पुर्वी चौकी गाउँपालिका–३ स्थित गैरीगाउँका २ जना बेपत्ता भएको प्रहरीले जनाएको छ ।
उनीहरुको खोजी भइरहेको छ । बेपत्ताहरुको खोजीमा नेपाली सेनाको भैरव गणको प्लटुङ्ग अपरेटि वेशबाट उद्धार टिम परिचालन गरिएको छ । ५ जना गम्भीर घाइतेको डोटी अस्पतालमा उपचार हुँदैछ । अन्य ३ जना सामान्य घाइते भएका छन् ।
गएराति ६ दशमलव ६ म्याग्नेच्यूडको भूकम्प जाँदा सो गाउँका ८ घर भत्किएका छन् । घटनास्थलमा टेण्ट र खाद्य सामग्री लगिएको छ । थप राहत र उद्धारका लागि सुर्खेत र धनगढीमा हेलिकोप्टर तयारी अवस्थामा राखिएको जनाइएको छ ।
सेयर गर्नुहोस्
