हेटौंडा टुडे
हेटौंडा| उप–निर्वाचनबाट निर्वाचित भएका तीन जना प्रतिनिधि सभा सदस्यहरुको आज पद तथा गोपनीयताको शपथ लिने भएका छन् ।
बैशाख १० गते सम्पन्न उप–निर्वाचनमा बारा २ बाट निर्वाचित उपेन्द्र यादव, चितवन २ बाट निर्वाचित रवि लामिछाने र तनहुँ १ बाट निर्वाचित स्वर्णिम वाग्लेले आज बिहान साढे ११ बजे शपथ लिने भएका हुन् ।
उनीहरुलाई सभामुख देवराज घिमिरेले पद तथा गोपनीयताको शपथ खुवाउँदै लोगो वितरण गर्नेछन् ।
गत मंसिर ४ को निर्वाचनबाट तनहुँ १ बाट निर्वाचित रामचन्द्र पौडेल राष्ट्रपति भएकाले, बारा २ बाट निर्वाचित रामसहाय प्रसाद यादव उपराष्ट्रपति भएकाले र चितवन २ बाट निर्वाचित रास्वपा सभापति रवि लामिछानेको नागरिकता विवादका कारण पदमुक्त भएकाले यही बैशाख १० गते उप–निर्वाचन गरिएको थियो ।
सेयर गर्नुहोस्
