हेटौंडा टुडे
हेटौँडा । हेटौँडामा अहिले सम्मको ठुलो परिणामको गााँजा बरामद भएको छ । सशस्त्र प्रहरी बल १४ नम्बर गण हेड क्वाटर मकवानपुरले हेटौडाबाट ठूलो परिणामको लागू औषध गाँजा बरामद गरेको छ । टोलीले आईतबार आज बिहान ४ बजे हेटौडाबाट भारत तर्फ जादै गरेको भारतीय ट्रकबाट नौ क्वीन्टल लागू औषध गाँजा बरामद गरेको हो । बिशेष सुचनाका आधारमा सवारी खान तलासी गर्दा हेटौँडा बजार क्षेत्रबाट गाँजासहित दुईजना भारतीय नागरिकलाई पक्राउ गरिएको सशस्त्र प्रहरीका एसपी अनिल कार्कीले बताउनु भयो।
बरामद भएको ट्रकको भित्री भागमा फल्स बटन बनाएर गाँजा राखि पुनः वेल्डीङ गरेर लुकाएर ल्याएको अवस्थामा गाँजा बरामद गरिएको कार्कीले बताउनु भयो। भारतीय एन एल ०१ एसी २१४४ नम्बरको ट्रकमा गाँजा बरामद भएको थियो । भारतबाट मकै लिएर चितवनमा अनलोड गरि चितवनको खुरखुरेबाट गाँजा लोड गरिएको प्रारम्भिक अनुसन्धानबाट खुलेको कार्कीको भनाई छ ।
पक्राउ पर्नेमा भारतीय नागरिक भारत बलरामपुर विर्तापुर निवासी चालक करिब ४५ वर्षका दुलारे यादव र सहचालक योगेश वर्मा रहेको कार्कीले बताउनु भयो । सशस्त्र प्रहरी बल १४ नम्बर गण हेड क्वाटर मकवानपुरले आईतबार दिउँसो हेटौंडामा पत्रकार सम्मेलन गर्दै पक्राउ परेका व्यक्ती र गाँजा सार्वजनिक गरेको थियो ।
