पूर्व–पश्चिम राजमार्गमा यात्रुवाहक बस पल्टिँदा १० जना घाइते

हेटौंडा ।  पूर्वपश्चिम राजमार्गअन्तर्गत रौतहटको चन्द्रपुर नगरपालिका–२ मा सोमबार बिहान भएको बस दुर्घटनामा परी १० जना घाइते भएका छन्। घाइतेमध्ये ७ जना भारतीय नागरिक रहेका छन्। काठमाडौंबाट भिठ्ठामोड (महोत्तरी) तर्फ जाँदै गरेको बा.प्र.०१–००६ ख.५२१६ नम्बरको बस बिहान करिब ४ः३० बजे अनियन्त्रित भई राजमार्गको दक्षिण किनारमा ७ फिट तल पल्टिएको थियो। घटनास्थलमा बस पल्टिएको अवस्थामा भेटिएको र चालक फरार रहेको इलाका प्रहरी कार्यालयले जानकारी दिएका छन्।  दुर्घटनामा बसमा सवार २५ जनामध्ये १० जना घाइते भएका हुन्।