मकवानपुरगढीको सामरी खोलामा एक जना व्यक्ति मृत अवस्थामा फेला

हेटौडा । मकवानपुरको मकवानपुरगढीमा सामरी खोलामा एक जना मृत अवस्थामा  फेला परेका थिए  मकवानपुरगढी गाउँपालिका वडा नम्बर –५ का ४० वर्षीय सुकलाल गोले मृत अवस्थामा फेला परेका मकवानपुर प्रहरीले  जनाएको छ । प्रहरीका अनुसार गोलेको मानसिक अवस्था कमजोर रहेका  जनाईएको छ ।  गोले बुधबार राति करिब ८ बजे घरपरिवारलाई कुनै जानकारी नदिई घरबाट निस्किएका थिए।  प्रहरीले तत्काल खोजतलास सुरु गर्ने  क्रममा बिहान करिब ११: ०५ बजे घरबाट करिब एक किलोमिटर पश्चिम रहेको सामरी खोलामा उनी घोप्टो परेको अवस्थामा मृत फेला परेका थिए प्रहरीले जनाएको छ  ।