थप उपचारका लागि घाइते चौधरीलाई चुरेहिलबाट हेलिकप्टरमार्फत मेडिसिटि लगियो

हेटौडा टुडे
७ मंसिर २०७६, शनिबार २०:३६

हेटौँडा ,मंसिर७

बारामा विहिबार भएको सवारी दुर्घटनामा घाइते भएका राकेश चौधरीलाई थप उपचारका लागि मेडिसिटि हस्पिटल लगिएको छ ।
पूर्व–पश्चिम राजमार्ग अन्तर्गत जितपुरसिमरा उपमहानगरपालिका २२ स्थित ४ नम्बर पुल नजिक पथलैयातर्फ जाँदै गरेको ना ४६ प २५०४ नम्बरको मोटरसाइकललाई सोहि दिशातर्फ जाँदै गरेको ना ५ ख ९०५५ नम्बरको ट्रकले ठक्कर दिंदा मोटरसाइकल चालक रौतहट चंद्रपुर ८ सन्तपुरका २८ बर्षीय चौधरी गम्भिर घाइते भएका थिए ।
उनको विहिबारदेखि हेटौँडाको चुरेहिल अस्पतालमा उपचार भईरहेकोमा थप उपचारका लागि हेलिकप्टरमार्फत ललितपुर भैसेपाटीस्थित मेडिसिटि हस्पिटल पठाईएको मकवानपुरका प्रहरी उपरीक्षक मुकेशकुमार सिंहले बताए ।
दुर्घटनामा मोटरसाइकलमा सवार राकेशकी श्रीमति २६ बर्षीया तिर्थ कुमारी राई  र छोरा एक बर्षीय आहान चौधरीको मृत्यु भएको थियो ।

यसमा तपाइको मत

Your email address will not be published. Required fields are marked *


*