हेटौंडा टुडे संवादाता
फागुन २७ – इलाका प्रहरी कार्यालय सिमराले प्रेस लेखिएको मोटरसाइकलमा लैजाँदै गरेको अवस्थामा लागुऔषधसहित दुईजनालाई पक्राउ गरेको छ ।
पक्राउ पर्नेमा वीरगन्जका जितेन्द्रकुमार सिंह र भारतका नासिर आलम छन् ।
चेकजाँचको क्रममा शंका लागि खानतलासी गर्दा ठूलो परिमाणमा लागुऔषध बरामद गरिएको बाराका प्रहरी नायव उपरीक्षक गोविन्द पुरीले जानकारी दिए ।
प्रहरीले डाइजीपाम ३०० पिस, नुफिन ३०० पिस, फेनारगन ३०० पिस गरी जम्मा ९०० पिस लागुऔषध बरामद गरेको जनाएको छ ।
सेयर गर्नुहोस्
