टुडे संवादाता 
काठमाडौं/महानगरीय प्रहरी परिसर टेकु ले काठमाडौं महानगरपालिका-४ सुकेधारा करिडोरबाट १ थान हात्तीको दाह्रा सहित ३ जनालाई प्रहरीले पक्राउ गरेको छ । प्रहरीले उनीहरुलाई शुक्रबार दिउँसो पक्राउ गरेको हो ।
पक्राउ पर्नेहरुमा पाँचथर पौवासार्तापा-१ घर भएका हाल काठमाडौं बुढानिलकण्ठ नगरपालिका-७ बस्ने २८ वर्षीय रूद्र लिम्बु, काठमाडौं महानगरपालिका-२६ सामाखुशी बस्ने गोरखा अजिरकोट गाउँपालिका १ घर भएका २२ वर्षीय सुवोध देवकोटा र काठमाडौं बुढानिलकण्ठ नगरपालिका ११ वालुवाखानी बस्ने सिन्धुपाल्चोक घर भएका २५ वर्षीय हरि कार्की रहेका छन ।
हात्तीको दाह्रा किनबेच गर्न लागेको अवस्थामा महानगरीय प्रहरी परिसर टेकुबाट खटिएको प्रहरीले उनीहरुलाई फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको बताईएको छ ।
सेयर गर्नुहोस्
