टुडे संवादाता 
काठमाडौं/काठमाडौंको गोंगबु गणेशस्थान नजिकै टाउको काटिएको अवस्थामा एक शव फेला परेको छ। कसैले हत्या गरेर फालिएको अवस्थामा एक पुरुषको शव फेला परेको प्रहरीले जनाएको छ ।
टाउको काटेर शव राखिएको अवस्थामा कालो रंगको सुटकेश फेला परेको थियो । टाउको भने ३ सय मिटर पर झोलामा फेला परेको पनि प्रहरीले जनाएको छ ।
घटनाको अनुसन्धान गर्न महानगरीय प्रहरी परिसर काठमाडौं र महानगरीय अपराध महाशाखाको टोली खटिएको छ । तालिम प्राप्त कुकुरको सहयोगमा प्रहरीले अनुसन्धान गरिरहेको छ । शवको सनाखत हुन बाँकी छ ।
सेयर गर्नुहोस्
