हेटौंडा टुडे
काठमाडौं/सेवाग्राहीसँग घुस लिने एक जनालाई अख्तियार दुरुपयोग अनुसन्धान आयोगले नियन्त्रणमा लिएको छ ।
वाणिज्य आपूर्ति तथा उपभोक्ता संरक्षण बिभाग बबरमहलका नायब सुब्बा शिव शंकर महतोलाई अख्तियार दुरुपयोग अनुसन्धान आयोगको टोलीले नियन्त्रणमा लिएको हो । महतोले सेवाग्राहीसँग १० हजार घुस लिने क्रममा आयोगले नियन्त्रणमा लिई कारवाही शुरु गरेको जनाईएको छ ।
फर्मको दर्ता प्रमाण–पत्रसँग सम्बन्धित काम लिई आएका सेवाग्राहीसँग घुस माग गरिरहेको भन्ने सूचना पछि आयोगको टोलीले महतोलाई कार्यकक्षबाट नियन्त्रणमा लिई अनुसन्धान शुरु गरेको प्रवक्ता तारानाथ अधिकारीले बताए ।
सेयर गर्नुहोस्
