टुडे संवादाता 
काठमाडौं/प्रहरीले नौ किलो ३५० ग्राम चरेशसहित काठमाडौंबाट एक महिलालाई पक्राउ गरेको छ। पक्राउ पर्नेमा चन्द्रागिरी नगरपालिका-१२ बलम्बुबाट धादिङ गजुरी गाउँपालिका-८ की २२ वर्षीया पवित्रा थिङ रहेको महानगरीय प्रहरीले जनाएको छ ।
महानगरीय प्रहरी वृत्त थानकोटबाट खटिएको टोलीले बिहिबार राति थिङलाई पक्राउ गरेको हो ।
वृत्तका प्रमुख, प्रहरी नायव उपरीक्षक घनश्याम श्रेष्ठले बलम्बुमा डेरा गरेर बस्ने थिङले कोठाभित्र जेब्रा झोलामा लुकाएर राखेको अवस्थामा चरेश बरामद गरिएको जानकारी दिए।
पक्राउ परेकी थिङका श्रीमान् फुलबहादुर तामाङ भने फरार रहेका छन्। उनीमाथि लागूऔषध नियन्त्रण ऐन, २०३३ बमोजिम अनुसन्धान थालिएको प्रहरीले जनाएको छ।
सेयर गर्नुहोस्
