टुडे संवादाता 
काठमाडौं/नेपाल प्रहरीका ४८८ प्रहरी निरीक्षक (इन्स्पेक्टर) सरुवा भएका छन्। प्रहरी महानिरीक्षकले सोमबार गरेको निर्णयअनुसार उनीहरूको सरुवा गरिएको प्रहरी प्रधान कार्यालयले जनाएको छ।
सरुवा भएका प्रहरी निरीक्षकले तलब, भत्ता यही महिनादेखि सरुवा भएकै स्थानबाट लिन पाउनेछन्।
मकवानपुरका ४ प्रहरी निरीक्षकको सरुवा भएको छ।सरुवा हुनेमा वडा प्रहरी कार्यालय हेटौँडाका प्रहरी निरीक्षक ईश्वरी प्रसाद भण्डारी, जिल्ला ट्राफिक प्रहरी कार्यालय मकवानपुरका प्रहरी निरीक्षक हरिविष्णु ढकाल, ईलाका प्रहरी कार्यालय मनहरीका प्रहरी निरीक्षक श्री शंकर श्रेष्ठ र ईलाका प्रहरी कार्यालय फापरवारीका प्रहरी निरीक्षक बच्चुराम फुयाँलको सरुवा भएको हो।
भण्डारीको प्रहरी प्रधान कार्यालय तालिम महाशाखा नक्साल, ढकालको प्रहरी प्रधान कार्यालय राजमार्ग सुरक्षा तथा ट्राफिक व्यवस्थापन महाशाखा नक्साल, श्रेष्ठको जिल्ला प्रहरी कार्यालय रामेछाप र फुयाँलको महानगरीय प्रहरी वृत्त दरबारमार्ग काठमाडौं सरुवा भएको छ । त्यसैगरी वडा प्रहरी कार्यालय हेटौँडामा कृष्ण प्रसाद बिष्ट, जिल्ला ट्राफिक प्रहरी प्रमुखमा प्रकाश पाण्डे, ईलाका प्रहरी कार्यालय मनहरीमा विनोद श्रेष्ठ र ईलाका प्रहरी कार्यालय फापरवारीमा कमल कुमार लुङगेली आउने भएका छन्।
सरुवा हुनेहरुको नामावली हेर्न यहाँ क्ल्कि गर्नुहोस ।
