टुडे संवादाता 
हेटौंडा/हेटौंडामा कार्यरत एक प्रहरी हवल्दार घुस रकमसहित रंगेहात पक्राउ परेका छन । पक्राउ पर्नेमा इलाका प्रहरी कार्यालय पशुपतिनगरमा कार्यरत प्रहरी हवल्दार देवीलाल प्रसाद ठाकुर रहेका छ्न ।
शुक्रबार पूर्वपश्चिम राजमार्गमा चल्ने सवारी साधनसँग २ सय ५० रुपैयाँ घुस लिँदै गर्दा उनलाई प्रहरीले रंगेहात पक्राउ गरेकोे हो ।
वीरगन्जबाट हेटौंडातर्फ आउँदै गरेको सवारी साधनलाई सहजीकरण गर्ने भन्दै उनले सो रकम लिँदै गर्दा पक्राउ गरिएको जिल्ला प्रहरी कार्यालय, मकवानपुरका प्रवक्ता इन्द्रबहादुर रानाले जानकारी दिए ।
जिल्ला प्रहरी कार्यालय मकवानपुरले संचालन गरेको आन्तरिक शुद्धीकरण अभियान अन्तर्गत जिलाबाटै खटिएको टोलीले उनलाई रंगेहात पक्राउ गरेलगत्तै निलम्बन गरिएको प्रवक्ता रानाले बताए ।
सेयर गर्नुहोस्
