टुडे संवादाता 
काठमाडौं/नेपालमा पछिल्लो २४ घण्टामा थप ३०९३ जनामा कोरोना भाइरस संक्रमण पुष्टि भएको छ । स्वास्थ्य तथा जनसङ्ख्या मन्त्रालयको नियमित प्रेस ब्रिफिङमा स्वास्थ्य मन्त्रालयका प्रवक्ता डा। जागेश्वर गौतमले हालसम्म कुल संक्रमितको संख्या १ लाख ३९ हजार १२९ पुगेको जानकारी दिए ।
यस्तै पछिल्लो २४ घण्टामा २१०८ जना कोरोना संक्रमण मुक्त भएसँगै निको हुनेको कुल संख्या ९६ हजार ६०९ पुगेको छ । यसैगरी देशभर सक्रिय संक्रमितको संख्या ४१ हजार ७५५ जना रहेको छ ।
यसैगरी पछिल्लो २४ घण्टामा थप ८ जनाको कोरोनाबाट मृत्यु भएको छ । यससँगै मृतकको कुल संख्या ७६५ पुगेको छ ।
सेयर गर्नुहोस्
