टुडे संवादाता 
बुटवल/इलाका प्रहरी कार्यालय बुटवलका प्रहरी हबल्दार शिवचन्द्र साहानीविरुद्ध भ्रष्टाचार मुद्धा दायर भएको छ । अख्तियार दुरुपयोग अनुसन्धान आयोगले उनी विरुद्ध मंगलबार विशेष अदालतमा भ्रष्टाचार मुद्धा दायर गरेको हो ।
अख्तियारले उनीविरुद्ध चार लाख रुपियाँ विगो समेत माग गरेको छ । उनले सेवाग्राहीलाई धरौटीमा छुटाईदिन सहयोग गरेबापत घुस लिएका थिए ।
अख्तियारको बुटवल कार्यालयबाट खटिएको टोलीले उनलाई चार लाख सहित सियारी गाउँपालिका–७ बाट रंगेहात पक्राउ गरेको थियो ।
सेयर गर्नुहोस्
