टुडे संवादाता 
चितवन/इलाका प्रहरी कार्यालय गितानगरले गएराती जुवा खेल्दै गरेका २४ जना जुवाडेलाई नगदसहित पक्राउ गरेको छ ।
प्रहरीले गएराती ११ बजे चितवन भरतपुर महानगरपालिका -५ कैलाश नगरस्थित सुनिल कुमार क्षेत्रीको कुखुराको खाली खोरमा कौडा खेलिरहेको भन्ने सुचनाको आधारमा उनीहरूलाइ पक्राउ गरेको हो ।
इलाका प्रहरी कार्यालय गितानगरको प्रहरी निरिक्षकको कमाण्डमा ९ जनाको टोलीले कौडा खेल्ने २४ जना पुरुष र उनीहरुको साथबाट नगद रु ५,१७,१७५।–(पाँच लाख सत्र हजार एक सय पचहत्तर रुपैँया) र १६ थान कौडा नियन्त्रण लिएको छ ।
पक्राउ पर्नेहरू सबैलाई जिल्ला प्रहरी कार्यालय चितवन राखिएको र थप अनुसन्धान भइरहेको प्रहरीले जनाएको छ ।।
सेयर गर्नुहोस्
