टुडे संवादाता 
हेटौँडा/ईलाका प्रहरी कार्यालय पशुपतिनगरले हेटौँडा १५ रातोमाटेबाट लागुऔषधसहित दुई युवालाई पक्राउ गरेको छ । इलाका प्रहरी कार्यालय पशुपतिनगरबाट प्रहरी निरीक्षक देवराज काफ्लेको नेतृत्वमा खटिएको प्रहरी टोलीले गएराति बा ३३ प ५६२५ नम्बरको मोटरसाइकलमा शंका लागि चेकजाँच गर्दा करिब १० किलो लागूऔषध गाँजासहित २ जनालाई पक्राउ गरेको हो ।
पक्राउ पर्नेहरुमा मकवानपुरको राक्सिराङ गाउँपालिका वडा नम्बर २ कुडेली बस्ने १९ वर्षीय मुकेश चेपाङ र सोही गाउँपालिका–१ बस्ने २५ वर्षीय राजकुमार गोले रहेका छन् । प्रहरीले उनीहरूले बोकेको झोलाबाट उक्त गाँजा बरामद गरेको जनाएको छ । पक्राउ परेका दुबै जनामाथि आवश्यक अनुसन्धान भइरहेको जनाइएको छ।
सेयर गर्नुहोस्
