टुडे संवादाता 
मकवानपुर/मकवानपुर प्रहरीले राक्सिराङ गाउँपालिका र कैलाश गाउँपालिकाका विभिन्न ठाउँमा अबैध रुपमा लगाइएको लागूऔषध गाँजा फडानी गरी नष्ट गरेको छ ।
मकवानपुरको राक्सिराङ गाउँपालिका वडा नम्बर ३ स्थित लावती, सरिखेत पलासे र कैलाश गाउँपालिका वडा नम्बर ५ को विभिन्न स्थानमा लगाइएको ३२ बिगाहा ५ कट्ठा लागुऔषध गाँजा खेती फडानी गरी नष्ट गरिएको जिल्ला प्रहरी कार्यालय मकवानपुरका प्रवक्ता प्रहरी नायब उपरिक्षक इन्द्रबहादुर रानाले जानकारी दिएका छन् ।
जिल्ला प्रहरी कार्यालयका प्रहरी निरीक्षक अविनाश अधिकारी, इलाका प्रहरी कार्यालय मनहरीबाट प्रहरी निरिक्षक बिनोद श्रेष्ठ र इलाका प्रहरी कार्यालय पालुङका प्रहरी निरीक्षक विकास कुमार तामाङको कमाण्डमा संयुक्त रुपमा खटिएको ८५ जना प्रहरी टोलीले गाँजा फडानी गरी नष्ट गरेको हो
सेयर गर्नुहोस्
