टुडे संवादाता 
हेटौंडा/मकवानपुरको हेटौंडा उपमहानगरपालिका वडा नम्बर ११ सरस्वतीखोलामा सवारी दुर्घटना हुँदा तीन जना घाइते भएका छन् ।
घाइते हुनेहरुमा बस चालक गोरखाको गण्डकी गाउँपालिका वडा नम्बर ६ बस्ने ३२ वर्षीय उजुरसिंह थापा, बसका सहचालक पर्साको ठोरी गाउँपालिका वडा नम्बर २ बस्ने २४ वर्षीय सोनु गोले र बसमा सवार मकवानपुरको राक्सिराङ गाउँपालिका ९ बस्ने ३८ वर्षीय मंगलराम प्रजा रहेको जिल्ला प्रहरी कार्यालय मकवानपुरका प्रहरी नायक उपरीक्षक इन्द्रबहादुर रानाले जानकारी दिए ।
शुक्रबार आज दिउँसो हेटौंडाबाट चितवनको नारायणगढतर्फ जाँदै गरेको ना ६ ख ९३४८ नम्बरको यात्रुबहाक बस र सोही दिशातर्फ जाँदै गरेको ना ७ ख २४३३ नम्बरको टिपर ठोक्किएर दुर्घटना हुँदा तीन जना घाइते भएका हुन् ।
प्रहरीका अनुसार, दुर्घटनामा परी घाइते भएका उनीहरुको हाल हेटौंडा–११ थानाभर्याङस्थित चुरेहिल अस्पतालमा उपचार भइरहेको छ ।
उनीहरुको स्वास्थ्य अवस्थामा सामान्य रहेको र उक्त बस, टिपर र टिपर चालकलाई नियन्त्रणमा लिई घटनाको विषयमा आवश्यक अनुसन्धान भइरहेको मकवानपुर प्रहरीले जनाएको छ ।
