टुडे संवादाता 
हेटौंडा/हेटौंडा उपमहानगरपालिका वडा नम्बर ११ नवलपुरमा ट्रकको ठक्करबाट मयुरी चाललको मृत्यु भएको छ। मृत्यु हुनेमा मयुरी चालक हेटौंडा-११ बस्ने अन्दाजी ३६ वर्षीय खेमलाल श्रेष्ठ रहेको मकवानपुर प्रहरीले जनाएको छ।
बिहीबार बिहान पूर्व पश्चिम राजमार्ग अन्तर्गत मनहरीबाट हेटौंडा आउदै गरेको ना ६ ख ४०४४ नम्बरको ट्रकले विपरीत दिसाबाट आउदै गरेको ना १ ह ३४०८ नम्बरको मयुरीलाई ठक्कर दिदाँ मयुरी चालकको मृत्यु भएको हो।
उनको गम्भीर अवस्थामा उपचारको क्रममा चुरेहिल अस्पतालमा मृत्यु भएको जनाइएको छ।
ठक्कर दिने ट्रक मकवानपुर प्रहरी नियन्त्रणमा रहेको र चालक फरार रहेको जनाइएको छ।
यसअघि हिजो बुधबार पनि हेटौंडा ४ फरेष्ट्री गेट नजिकै ट्रकले साईकल यात्रुलाई ठक्कर दिईएको थियो । साइकल यात्रुको हेटौंडामा उपचार सम्भव नभएपछि काठमाडौं पठाईएको थियो । दुर्घटना हुदाँ हेटौंडा ४ कर्राका दिल गौतमको हात छिनेको थियो ।
