टुडे संवादाता 
हेटौंडा/मकवानपुरको बकैया गाउँपालिका वडा नम्बर ५ स्थित तीनतलेमा बुधवार ट्याक्टर दुर्घटना हुँदा एक जनाको मृत्यु भएको छ भने २ जना घाईते भएका छन् ।
मदन भण्डारी लोक मार्ग अन्तरगत ठूलोदमार बाट हात्तिसुँडे तर्फ जाँदै गरेको ना ६ त ४५३५ नंबरको ट्याक्टर दुर्घटना हुँदा हेटौंडा १७ का १३ वर्षीय दिलसन माझीको मृत्यु भएको जिल्ला प्रहरी कार्यलय मकवानपुरले जनाएको छ ।
हेटौंडाबाट सिमेन्ट बोकेर बकैया जाँदै गरेको उक्त ट्याक्टर दुर्घटनामा ट्याक्टर चालक हेटौंडा-१८ का सुनिल माझि र बकैया ९ का ५८ वर्षीय योगेन्द्र माझि घाईते भएको प्रहरीले जनाएको छ । उनिहरुको हेटौंडामा उपचार भईरहेको र घटनाको थप अनुसन्धान भईरहेको जिल्ला प्रहरी कार्यलय मकवानपरले जनाएको छ ।
सेयर गर्नुहोस्
