टुडे संवादाता 
हेटौंडा/मकवानपुरको ईन्द्रसरोबर गाउँपालिका वडा नम्बर १ स्थत चित्लाङ भेडाफार्म नजिक टिपर दुर्घटना हुँदा २ जना घाइते भएका छन्।
गएराति थाहा नगरपालिकाको बज्रवाराहीबाट ढुंगा लिएर इन्द्रसरोवर गाउँपालिकाको मार्खुतर्फ जाँदै गरेको बा ४ ख ५२०५ नंबरको ढुंगा बोकेको टिपर ब्याक गर्ने क्रममा आफै अनियन्त्रीत हुँदा टिपर सडकबाट ५० मिटर तल खसेको जिल्ला प्रहरी कार्यलय मकवानपुरले जनाएको छ ।
दुर्घटनामा टिपर चालक ३० वर्षीय अरुण वाईवा र टिपरमा सवार थाहानगर ५ का १५ वर्षीय जबिन घलान घाईते भएका छन् । उनिहरुलाई उपचारको लागि काठमाण्डौं पठाईएको जिल्ला प्रहरी कार्यलय मकवानपुरले जनाएको छ ।
यसैबीच सोही स्थानमा गए राती ११ वर्षीय सुमित विष्टले आत्महत्या गरेका छन् ।गएराति आफ्नै घरको तल्लो तलाको दलिनमा नाईनलको डोरीले झुण्डीयर विष्टले आत्महत्या गरेका हुन् ।
सेयर गर्नुहोस्
