हेटौंडा टुडे
हेटौँडा/ नेपाल बैँक लिमिटेड हेटौँडाले आजबाट नयाँ नोट वितरण गरेको छ । चाडपर्वलाई लक्षित गर्दै नेपाल बैँकले भोलीसम्म नयाँ नोट वितरण गर्ने जनाएको छ । करिब २ करोड रुपैँया बराबरको नोट वितरण गर्न लागिएको हो ।
नयाँ नोट लिनका लागि टोकन लिएर लाईन बस्नु पर्ने व्यवस्था गरिएको छ भने प्रतिव्यक्ति १८ हजार ५ सयका दरले नयाँ नोट बितरण गरिएको छ । नजिकिदै गरेको दसैँका लागि नयाँ नोट लिने सर्वसाधारणको बैँकमा भिड बढेको छ ।
कारोना जोखिममा पनि बिहान बैकँ खुलेपछि बेलुकासम्म नयाँ नोट लिनेको लर्को लागेको छ । हेटौँडा भित्रका अन्य बैँकमा नयाँ नोट लिने व्यवस्था नभएकोले अत्याधिक भिडभाड बढेको हो ।
सेयर गर्नुहोस्
